8 replies to this topic

[المتالق]

معقوووول

لقد عادت من جديد
يجب ان لا نستغرب قدومها
فهي تزورنا دوماً في هذه الأوقات من عامنا الدراسي
ألم تعرفوها بعد -
-
-
-
-
-
-
-

-
-
-
-
-
-
-
-
-
-
-
-
0
-انها انقطاع الكهرباء
لقد عادت من جديد
و لكن اليوم في حلة جديدة
و أصبحت تأتي ثلاث مرات في اليوم و في أوقات مختلفة
فأيام تأتي ساعة أو ساعتان و أيام ربع ساعة أو نصف ساعة
في الحقيقة هذه السنة قدومها بالفعل مختلف

فهل سنرى أشكالأ أخرى لقدومها

و ادرس يا طالب يا جامعي إذا فيك تدرس

[Shaaban]

على الأقل انها وفية....والعود أحمد-لكن ليس عودة هؤلاء
في مثل هذه المواقف يجب علينانحن ان نتكيف مع الوضع كما هو فمن غير المعقول ان يتكيف الوضع معنا
كيف يعني؟
ببساطة نركز على الدراسة اثناء النهار ومن الباكر لو امكن
وبالليل بيكون افضل لو بيكون الموضع مراجعة ما سبق أو حل تمارين والله بيعين
التكيف مع البيئة ممتاز بهيك مواقف محرجة
التوفيق للجميع انشاءالله

تم تعديل هذه المشاركة بواسطة mouwafak: 24 December 2008 - 09:30 AM

[المتالق]

mouwafak, في Dec 24 2008, 10:29 AM, كتب:

على الأقل انها وفية....والعود أحمد-لكن ليس عودة هؤلاء
في مثل هذه المواقف يجب علينانحن ان نتكيف مع الوضع كما هو فمن غير المعقول ان يتكيف الوضع معنا
كيف يعني؟
ببساطة نركز على الدراسة اثناء النهار ومن الباكر لو امكن
وبالليل بيكون افضل لو بيكون الموضع مراجعة ما سبق أو حل تمارين والله بيعين
التكيف مع البيئة ممتاز بهيك مواقف محرجة
التوفيق للجميع انشاءالله

أنا معك بهالشي لو كان انقطاع الكهرباء عم يكون بأوقات محددة

بس للأسف ما عم نعرف ايمتى بيقطعوها يعني يمكن الصبح أو نص الليل أو الظهر

[خدام الحسين]

والله الحق معك يا جوني بالفعل موضوعك اجا بوقتو الصراحة انا فكرت اليوم انو انزل على البيت لانو الوضع سيئ جدا خصوصا بعد العجاج
يا سيدي الله يكون بالعون ويمضي هالسنة على خير
شكرا ابو الجون

[Bisan]

مافي الا طريقة وحدة ليتكيف الطالب مع هالوضع


انو يناااااااااااااااااااام وقت تنقطع الكهربا و بس ترجع يدرس

مافي غير هالحل

لانو انقطاع الكهربا يرافقه برد بسبب انعدام وسائل التدفئة .. و متل العادة مافي شمع لانو مين بدو ينزل بهالعتمة ليشتري شمع !!!!؟؟؟؟؟


شكرا المتالق وموفق بامتحاناتك
والله يوفق الجميع

[D.AMA]

فكرت اني نام وقت تنقطع الكهربا
بس على هالحالة بدي نام شي مرتين او ثلاثة باليوم غير نومة الليل يعني هالفكرة مامشي حالها معاي
بس شفت أحسن حل انو الواحد يتابع حياته الطبيعية حتى لو انقطعت الكهربا
يعني إذا كان الواحد عم يدرس يتابع دراسة "ولو كان عالشمعة" وإذا كان الواحد نايم يضل نايم
هذا هو الحل بكل بساطة لأنو الكهربا شغلتها طويلة ومو قصة مرة أو مرتين
يعني لازم نتعود
وشكرا جوني وشكرا للجميع

[ملكة الشرق]

انا معك احمد فعلا قام نتابع الدراسة بشكل طبيعي وبصراحة الوضع مو جديد ومن ميزات الطالب السوري التكيف مع البيئة
وبالنسبة الي انقطاع الكهرباء نعمة لأن اخواتي الصغار ينامو وتخف ضجتهم

[اللوردالسوري]

Lily, في Dec 26 2008, 09:31 AM, كتب:

انا معك احمد فعلا قام نتابع الدراسة بشكل طبيعي وبصراحة الوضع مو جديد ومن ميزات الطالب السوري التكيف مع البيئة
وبالنسبة الي انقطاع الكهرباء نعمة لأن اخواتي الصغار ينامو وتخف ضجتهم

ههههههههههههههههههههههههههههه
رب ضارة نافعة


عادي شباب ليش منزعجين بحيل مشان هالموضوع كلها كهربا وماكانت
بس تطفي حطو راسكم ونامو وبس تشتغل كملو النومة وحتى لو طفت 10 مرات ظلو نيمين وبلاها للدراسة
أهم شي النوووووووووووووووم بعدين مابدكم تخزنو شوي نوم لأيام الامتحانات
ترى النوووووووووووووووووووووووووووووم سلطااااااااااااااااااااااااااااااااان وياعاشقين النوم سلطاااان

[Dr.MASUM]

لا حول ولا قوة الا بالله
لساتنا عم نشتكي و نعاني من هيك شغلات
البقيه بحياتكم

صرلي 6 سنين ما شفت كيف تنقطع الكهربا
ونسيت شي اسمو شمع
الله يكون بعونكم
ويفرجها عليكم و على كل المسلمين